سينيٽ، قومي ۽ چئني صوبائي اسيمبلين جون چونڊون هڪ ئي وقت ڪرائڻ وارو ٺهراءُ منظور ڪري ورتو.
سينيٽ جو اجلاس چيئرمين صادق سنجراڻيءَ جي صدارت هيٺ ٿيو، جنهن دوران سينيٽر طاهر بزنجي ٺهراءُ پيش ڪيو.
ٺهراءَ ۾ چيو ويو ته ملڪ ۾ معاشي مضبوطيءَ لاءِ سياسي استحڪام ضروري آهي پر سمورين اسيمبلين جون چونڊون هڪ ئي وقت ضروري آهن.
ٺهراءَ ۾ چيو ويو ته پنجاب ۾ اليڪشن ڪرائڻ سان ٻين صوبن تي ناڪاري اثر پوندا، قومي ۽ سمورين صوبائي اسيمبلين جون چونڊون هڪ ئي وقت ٿيڻ سان وفاق مضبوط ٿيندو.
پيش ڪيل ٺهراءَ ۾ چيو ويو ته ملڪ وڌيڪ سياسي عدم استحڪام برداشت نه ڪري سگهندو، کين هڪٻئي سان وڙهڻ بدران ملڪي مضبوطيءَ لاءِ ڪم ڪرڻ جي ضرورت آهي.
جماعت اسلامي جي سينيٽر مشتاق احمد چيو هت پاڪستان ۾اليڪشن هڪ ئي وقت ٿيڻ گهرجن، پر آئين ۾ ڏنل مدي تحت ڪرايون وڃن، تنهن ڪري ٻين اسيمبلين کي ٽوڙي ملڪ ۾ ترت چونڊون ڪرايون وڃن.
ٺهراءَ پيش ڪرڻ تي پي ٽي آءِ جي سينيٽرن گوڙ ڪندي چيئرمين جي ڊائس جو گهيراءُ ڪيو.
