سيو دي چلڊرن افغانستان ۾ ٻيھر ڪم لاءِ تيار

سيو دي چلڊرن اعلان ڪيو آهي ته اها افغانستان ۾ پنهنجون ڪجهه سرگرميون ٻيهر شروع ڪري رھي آھي.

افغان ميڊيا موجب خيراتي تنظيم سيو دي چلڊرن جو چوڻ آهي ته اها افغانستان جي انهن علائقن ۾ ڪجهه سرگرميون ٻيهر شروع ڪري رهي آهي جتي افغان عورت ڪارڪنن کي ڪم تي واپس اچڻ جو پڪو يقين ڏيارو ويو آهي.

طالبان حڪومت ٽي هفتا اڳ افغان عورتن کي اين جي اوز ۾ ڪم ڪرڻ کان روڪي ڇڏيو هو.

طالبان جي پابنديءَ کان پوءِ گھڻين تڻين پرڏيهي اين جي اوز افغانستان ۾ ڪم ڪرڻ بند ڪري ڇڏيو آهي.