سپريم ڪورٽ، عدالتي سڌارن واري بل خلاف درخواستن تي ٻڌڻي دوران فل ڪورٽ بڻائڻ جي درخواست رد ڪندي سياسي پارٽين ۽ وڪيل تنظيمن کان 8 مئي تائين جواب طلب ڪري ورتو.
ٻڌڻي دوران چيف جسٽس عمر عطابنديال رمارڪس ڏنا ته سياسي ماڻهو انصاف نه پر من پسند فيصلا چاهيندا آهن، ڪنهن به جج خلاف ريفرنس اچڻ جي ڪا قانوني حيثيت ناهي.
سندس چوڻ هو ته ريفرنس ٻڌڻيءَ لاءِ مقرر ٿيڻ تائين ان جي ڪا اهميت نه آهي، اها حقيقت تبديل نٿي ٿي سگهي ته آزاد عدليا آئين جو بنيادي جزو آهي.
چيف جسٽس جو چوڻ هو ته الزام آهي ته ملڪي تاريخ ۾ پهريون ڀيرو آئين جي بنيادي جز جي قانونسازي ذريعي ڀڃڪڙي ڪئي وئي.
