سپريم ڪورٽ، پنجاب ۾ چونڊن لاءِ فنڊ نه ڏيڻ تي حڪومت ۽ اسٽيٽ بئنڪ کي نوٽيس جاري ڪري ڇڏيا.
عدالت طرفان جاري ڪيل نوٽيس ۾ چيو ويو ته اليڪشن لاءِ فنڊن جي فراهمي توهين عدالت جي ڪارروائي کان وڌيڪ اهم آهي، پر اليڪشن ڪميشن جي رپورٽ موجب وفاقي حڪومت فنڊ فراهم ناهن ڪيا.
سپريم ڪورٽ چيو ته فنڊ فراهم نه ڪرڻ عدالتي حڪمن جي ڀڃڪڙي آهي، جنهن جا نتيجا قانون ۾ واضح آهن.
چيف جسٽس سمورن آفيسرن کي 14 اپريل تي چيمبر ۾ طلب ڪري ورتو ۽ اسٽيٽ بئنڪ گورنر کي دستياب وسيلن بابت سمورا تفصيل به گڏ کڻي اچڻ جو حڪم ڏنو.
سپريم ڪورٽ ناڻي واري سيڪريٽري کان پڇاڻو يو ته ٻڌايو وڃي ته سپريم ڪورٽ جي حڪمن تي عمل ڇو نه ڪيو ويو؟
عدالت سيڪريٽري اليڪشن ڪميشن کي پنجاب ۽ خيبرپختونخوا ۾ چونڊن بابت سمورو رڪارڊ به فراهم ڪرڻ جو حڪم ڏنو.
