سپريم ڪورٽ جي حڪم تي اليڪشن ڪميشن کي 21 ارب رپيا جاري ڪرڻ جي اڄ آخري تاريخ

سپريم ڪورٽ جي حڪم تي اليڪشن ڪميشن کي 21 ارب رپيا جاري ڪرڻ جي اڄ آخري تاريخ آهي.

سپريم ڪورٽ حڪم ڏنو هو ته ناڻي واري وزارت ۽ اڪائونٽنٽ جنرل رقم ڏيڻ جي تصديقي رپورٽ 18 اپريل تي عدالت ۾ پيش ڪن.

حڪمنامي ۾ چيو ويو هو ته اليڪشن ڪميشن 18 اپريل تي 21 ارب جا فنڊ وصول ڪرڻ جي رپورٽ به عدالت ۾ جمع ڪرائي.

فنڊن جي فراهمي جو جائزو وٺڻ لاءِ قومي اسيمبلي جي ناڻي بابت اسٽيڊنگ ڪميٽي جو اجلاس اڄ طلب ڪيو ويو آهي.

اٽارني جنرل، گورنر اسٽيٽ بينڪ ۽ آڊيٽر جنرل کي به اجلاس ۾ شرڪت جي خاص دعوت ڏني وئي آهي.