سپريم ڪورٽ جي چيف جسٽس عمر عطا بنديال جي برطرفيءَ لاءِ سپريم جڊيشل ڪائونسل ۾ درخواست داخل ڪرائي وئي آهي.
اها درخواست مقامي وڪيل راجا سبطين خان طرفان داخل ڪرائي وئي.
درخواست ۾ موقف اختيار ڪيو ويو ته سپريم ڪورٽ جي چيف جسٽس قاعدن ۽ ضابطن جي ڀڃڪڙي ڪئي آهي، ان ڪري کيس عهدي تان برطرف ڪيو وڃي.
وڪيل اها شڪايت، پنجاب ۽ ڪي پي جي چونڊن بابت ڪيس جي بنياد تي داخل ڪرائي.
درخواست ۾ چيو ويو ته چونڊن بابت پاڻمرادي نوتيس سان سپريم ڪورٽ تڪراري بڻجي آهي، ڳالهيون هلي رهيون آهن ته چيف جسٽس عدليا ۾ گروپنگ قائم ڪئي آهي.
سپريم جڊيشل ڪائونسل ۾ داخل درخواست ۾ چيو ويو ته چيف جسٽس جي گروپنگ ئي نظر ۾ رکندي بئنچ جوڙي ته جيئن فيصلو اڪثريت سان ڪيو وڃي.
