سڄي دنيا ۾ سمنڊ جي سطح تاريخ جي بلند ترين تي پهچي وئي جنهن سبب سامونڊي هيٺ ويوز عام ٿي ويون آهن.
اها ڳالهه امريڪي اداري اين او اي اي جي طرفان شروعاتي ڊيٽا ۾ سامهون آئي آهي.
ڊيٽا موجب، اپريل 2023ع جي شروعات ۾ سمنڊ جي سطح 21 ڏهائي هڪ سينٽي گريڊ رڪارڊ ٿي، اهي نئون رڪارڊ موسمياتي تبديلين جو نتيجو آهي.
سائنسدانن ٻڌايو ته ٽن سالن تائين لانينا سمنڊ الڪاهل کي دٻائڻ ۾ مدد فراهم ڪئي ۽ زهريلي گئسن جي خارج جي اثرن کان بچايو پر هاڻي سمنڊ جي سطح ۾ اضافو ٿي رهيو آهي جيڪو امڪاني ايل نينو لهر جي طرف اشارو آهي.
اين او اي اي جي محقق ڊاڪٽر مائيڪ ميڪفيڊن ٻڌايو ته لانينا لهر پڄاڻي جي ويجهو آهي جنهن سڄي دنيا جي سامونڊي سح کي وڌائڻ نه ڏنو هو.
لانينا جي دوران وچ ۽ اوڀر سمنڊ الڪاهل جي سطح گهٽ رهندي آهي جڏهن ته تيز هوائون گهلڻ سان عالمي سطح ۾ گهٽتائي ايندي آهي.
ايل نينو جي دوران سامونڊي سطح معمول کان وڌيڪ گرم ٿي ويندي آهي.
اين او اي اي جي ڊيٽا موجب ان کان اڳ سامونڊي سطح ۾ سڀ کان وڌيڪ واڌ 2014ع کان 2016ع جي ايل نينو لهر ۾ ڏسڻ ۾ آئي هئي.
2022ع جي تحقيق ۾ ٻڌايو ويو ته سمنڊ ۾ جذب ٿيندڙ پاڻي جي شرح ۾ تيزي سان اضافو ٿي رهيو آهي ۽ اها گهرائي ۾ پهچي رهي آهي جنهن سان موسم جي شدت وڌي رهي آهي.
ٻئي طرف عالمي سائنسدانن جي هڪ ٽيم ٻڌايو آهي ته دنيا جي مختلف خطن ۾ ايندڙ مهيني ۾ سامونڊي هيٽ ويوز ڏسڻ ۾ اينديون، هيٽ ويوز سان زمين جي سطح تي موسمياتي شدت ۾ واڌ ٿيندي، عالمي سطح تي حالتون وڌيڪ خراب ٿي رهيون آهن.
وڌيڪ گرم سمنڊ طوفان کي گهڻي توانائي فراهم ڪري ٿو جڏهن ته برف وارا خطا پگهرجڻ جي شرح اڳتي وڌي وڃي ٿي.
مارچ 2023ع ۾ سائنسدانن پهريون ڀيرو سمنڊ جي گهرائي ۾ به هيٽ ويوز کي ڳوليو هو ۽ ان کي موسمياتي تبديلين جو خطرناڪ اثر قرار ڏنو هو.
ان تحقيق ۾ سمنڊ جي سطح ۾ اضافي جو جائزو ورتو جنهن ۾خبر پئي ته سامونڊي هيٽ ويو جي شدت گهڻي وڌيڪ هوندي آهي جنهن سان پاڻي جي سطح ٻڙي ڏهائي پنج کان 3 ڊگري سينٽي گريڊ تائين وڌي ويندي آهي.
اين او اي اي جي ان تحقيق ۾ شامل ماهر ٻڌايو ته هو 10سالن جي عرصي کان سمنڊ جي سطح تي هيٽ ويو جو مشاهدو ڪري رهيا هئا.
انهن وڌيڪ ٻڌايو ته پهريون ڀيرو اهو جائزو ورتو ته سطح تي هيٽ ويو سان سمنڊ جي گهرائي ۾ ڪهڙا اثر ٿين ٿا.
تحقيق ۾ ٻڌايو ويو ته سمنڊ جي گهرائي ۾ پاڻي جي سطح ۾ هڪ صدي جي دوران ڏيڊ ڊگري سينٽي گريڊ واڌ ٿي آهي.
تحيق موجب اها سطح وڌڻ سان سامونڊي هيٽ ويوز جي شرح ۾ گذريل ڏهاڪي جي دوران 50 سيڪڙو وڌيڪ اضافو ٿيو آهي.
تحقيق ۾ اهو به انڪشاف ٿيو ته سطح تي اضافو نه ٿيڻ تي به سمنڊ جي گهرائي ۾ هيٽ ويو جو منهن ڏسڻو پئجي سگهجي ٿو.
