شوگر ايڊوائزري بورڊ جي سفارش تي خوراڪ ۽ زراعت واري وزارت طرفان سڄي ملڪ ۾ کنڊ جي في ڪلو قيمت 98رپيا 82پئسا مقرر ڪري ڇڏي.
خوراڪ ۽ زراعت واري وزارت کنڊ جي في ڪلو قيمت 98رپيا 82پئسا مقرر ڪرڻ جو نوٽيفڪيشن جاري ڪري ڇڏيو.
نوٽيفڪيشن موجب کنڊ جي قيمت ۾ 14رپيا 58پئسا سيلز ٽيڪس شامل ھوندو، کنڊ جي في ڪلو قيمت ۾ 5 رپيا 30 پئسا شوگر ملز جو منافعو ۽ خرچ، 25 پئسا ڊسٽري بيوٽرز مارجن، ٽرانسپورٽ لاڳت 2 رپيا في ڪلو ۽ پرچون فروش جو ھڪ رپيو ڪلو منافعو بھ مجموعي لاڳت ۾ شامل آھي.
نوٽيفڪيشن ۾ چيو ويو آھي تھ کنڊ جي قيمت مقرر نھ ٿيڻ سبب مارڪيٽ ۾ کنڊ 30 سيڪڙو مھانگي ٿي.
خوراڪ ۽ زراعت واري وزارت جي ذريعن جو چوڻ آھي تھ ضلعي انتظاميا سرڪاري قيمت تي کنڊ وڪرو ڪرائڻ جي پابند ھوندي.
شھرين جو چوڻ آھي تھ وڏن اسٽورز تي بھ کنڊ 125 رپيا في ڪلو وڪرو ٿي رھي آھي، اوپن مارڪيٽ ۾ في ڪلو 130 رپين تائين وڪرو ٿي رھي آھي.
