سکر جي جتوئي برادري ۾ جهيڙي جو وڌيڪ هڪ زخمي فوت ٿي ويو جنهن بعد مارجي ويلن جو انگ وڌي 7 ٿي ويو جڏهن ته مارجي ويل 6 ڄڻن جا مڙهه مٽيءُ ماءُ حوالي ڪيا ويا ۽ علائقي ۾ ڇڪتاڻ برقرار آهي.
عيد رات سکر جي علائقي بچل شاهه مياڻي ۾ خروس برادريءَ ۾ هلندڙ پراڻي تڪرار تان ٽن عورتن ۽ ٻن ٻارڙن سميت ڇهه انساني جانيون ضايع ٿي ويون جڏهن ته ست ڄڻا زخمي ٿي پيا هئا.
زخمين مان هڪ ڄڻي زخمن جا سور نه سهندي دم ڌڻي حوالي ڪيو جڏهن ته وڌيڪ ٻن زخمين جي حالت ڳڻتي جوڳي ٻڌائي پئي وڃي.
هڪ ڄڻي جي فوت ٿيڻ بعد جهيڙي ۾ مارجي ويلن جو انگ وڌي ست ٿي ويو.
خروس برادريءَ جي جهيڙي دوران مارجي ويل ڇهن ڄڻن جي جنازي نماز ادا ڪئي وئي.
جنازي نماز ۾ ڳوٺاڻن ۽ وارثن شرڪت ڪئي.
جنازي نماز بعد مقتولن جا مڙهه مٽيءَ ماءُ حوالي ڪيا ويا.
ستن ڄڻن جي مارجڻ بعد علائقن ۾ ڇڪتاڻ واري صورتحال برقرار آهي.
