شام جي عرب ليگ ۾ ميمبرشپ بحال
شام هڪ ڏهاڪي کان وڌيڪ عرصي بعد هڪ ڀيرو ٻيهر عرب ليگ ۾ شامل ٿي ويو آهي.
شام کي جمهوريت جي حامي مظاهرين تي وحشياڻي ڏاڍ سبب عرب ليگ مان ڪڍيو ويو هو ۽ ملڪ اندر گهرو ويڙهه شروع ٿي وئي هئي.
اهو قدم دمشق ۽ ٻين عرب حڪومتن جي وچ ۾ ڪمزور لاڳاپن جو هڪ ٻيو ثبوت آهي.
شام جي طرفان اهو بيان ان مهيني جي آخر ۾ سعودي عرب ۾ ٿيندڙ سربراهي اجلاس کان اڳ سامهون آيو آهي جنهن ۾ صدر بشار الاسد شرڪت ڪري سگهيو پئي.
امريڪا ۽ برطانيا ان قدم کي تنقيد جو بشانو بڻايو آهي.
امريڪي پرڏيهي ترجمان جو چوڻ آهي ته شام ان ڳالهه جو مستحق نه آهي ته هن جي ميمبرشپ عرب ليگ ۾ بحال ڪئي وڃي پر امريڪا شام جي بحران کي حل ڪرڻ جي عرب ليگ کي ڊگهي مدي واري مقصد جي حمايت ڪري ٿو.
برطانيا جي پرڏيهي وزارت جي مملڪتي وزير لارڊ احمد چيو ته برطانيا اسد حڪومت سان لاڳاپن جو مخالف آهي ۽ مسٽر اسد بيگناهه شامين جي حراست دوران تشدد ۽ قتل کي جاري رکندو پيو اچي.
قائره ۾ ٿيندڙ 22ملڪن تي ٻڌل گروپ جا 13 ميمبر موجود هو جتي شام کي ٻيهر داخل ڪرڻ جو فيصلو ڪيو ويو هو.
مصر، سعودي عرب، لبنان، اردن ۽ عراق تي ٻڌل هڪ ڪميٽي جوڙي ويندي جيڪا شام ۾ پيدا ٿيل بحرانن کي ختم ڪرڻ وارن حدفن کي حاصل ڪرڻ ۾ مدد ڪندي.
عرب ليگ جي سيڪريٽري جنرل احمد ابوالغيط چيو آهي ته اهو قدم شام جي بحران کي حل ڪرڻ جي عمل جي شروعات آهي پر ان فيصلي جو مطلب عرب رياستن ۽ شام جي وچ ۾ لاڳاپن جي بحالي نه آهي.
گڏيل قومن جي اندازي موجب شام ۾ گهرو ويڙهه سبب 3لک کان وڌيڪ ماڻهو مارجي ويا آهن ۽ هڪ لک کان وڌيڪ ماڻهو حراست ۾ وٺي گم ڪيو ويو آهي.
شام جي باغين جي قبضي هيٺ آيل اتر اولهه واري علائقي ادلب ۾ بيگهر ٿيندڙ شامين جو چوڻ آهي ته هو عرب جي فيصلي تي حيران آهن.
ڪجهه ڏينهن اڳ ايراني صدر ابراهيم رئيسي بشار الاسد سان ملاقات ڪئي هئي، جڏهن ته شام جي پرڏيهي وزير سفارتي ڪوششن جي حصي جي طور ڪيترن ئي عرب ملڪن جو دورو ڪيو آهي.
امريڪا ۽ برطانيا انهن اولهه جي ملڪن ۾ شامل آهن جن چيو آهي ته هو صدر اسد جي حڪومت سان لاڳاپا بحال نه ڪندا.
