بالي ووڊ اسٽار شاهد ڪپور جي نئين ويب سيريز فرضي جو سين ڪاپي ڪرڻ واري يوٽيوبر کي گرفتار ڪيو ويو آهي.
ڀارتي ميڊيا جي مطابق سوشل ميڊيا تي نئين دهلي سان تعلق رکندڙ يوٽيوبر جي هڪ ويڊيو وائرل ٿي جنهن ۾ کيس شاهد ڪپور ۽ وجي سٿوپاٿي جي ويب سيريز فرضي جو هڪ سين ڪاپي ڪندي ڏٺو ويو.
پوليس پاران فوري ايڪشن وٺندي يوٽيوبر جورآور سنگهه ڪالسي کي فرضي جو سين ڪاپي ڪندي تيز رفتار گاڏي هلائڻ ۽ رستي تي پئسن جي برسات ڪرڻ جي ڏوهه ۾ گرفتار ڪيو ويو.
وائرل ويڊيو ۾ جورآور سنگهه کي پنهنجي دوست جيي چوڻ تي گاڏي جي ڊگي کولي رستي تي جعلي پئسا اڇلائيندي ڏٺو ويو جنهن تي فوري ايڪشن وٺندي پوليس يوٽيوبر خلاف ڪارروائي ڪندي کيس حراست ۾ وٺي ڇڏيو.
