قومي ڪرڪيٽ ٽيم جي اسٽار فاسٽ بالر شاهين شاهه آفريدي بيٽنگ تي به ڌيان ڏيڻ شروع ڪري ڇڏيو.
پي ايس ايل ۾ جارحاڻي بيٽنگ شاهين شاهه جي اعتماد ۾ اضافو ڪري ڇڏيو آهي، لاهور قلندرز جي ڪپتان جي طرفان پي ايس ايل ۾ اهم موقعن تي شاندار بيٽنگ جو مظاهرو ڪيو هو.
هاڻي شاهين آفريدي قومي ٽيم جي ڪئمپ ۾ بالنگ کانپوءِ نيٽ تي بيٽنگ جي لاءِ پهچي وڃي ٿو، نيٽ تي پنهنجي تيز بالرز کي منهن ڏئي ٿو ۽ پاور هٽنگ جي به پريڪٽس ڪندو رهي ٿو.
شاهين آفريدي جو چوڻ آهي ته کيس بيٽنگ جو شوق آهي پر باقائدگي سان نه ڪئي هئي، هاڻي جڏهن ري هيپ ۾ هو ته بيٽنگ تي به گهڻو ڪم ڪيو.
شاهين شاهه آفريدي طرفان ٻڌايو ويو ته بيٽنگ ۾ مختلف شيون سکي پيو، ڪوشش آهي ته بيٽنگ ۾ بهتري اچي ۽ هو پاڪستان جي لاءِ ڪم اچي، جنهن نمبر تي به بيٽنگ تي وڃي ڪوشش اها ئي آهي ته پاڪستان کي مئچ ۾ ڪاميابي ڏياري.
