آسڪر ايوارڊ ماڻيندر پاڪستاني فلم ساز شرمين عبيد چنائي جو ھڪ ٻيو اعزاز ماڻيندي ھالي ووڊ سيريز اسٽار وارز جي نئين فلم جي ھدايتڪاري ڪندڙ پھرين عورت ڊائريڪٽر بڻجي وئي آھي.
شرمين عبيد چنائي طرفان سوشل ميڊيا تي جاري ڪيل بيان ۾ چيو ويو آھي تھ ھوءَ اسٽار وارز سيريز جي نئين فلم ۾ ھدايتڪاري جا فرض سرانجام ڏيندي.
اسٽار وار سيريز جي ڪنھن فلم جي ھدايتڪاري ڪندڙ پھرين عورت ھوندي، ان ڳالھھ جي تصديق اسٽار وارز سيريز ٺاھيندڙ ڪمپني لوڪاس فلم جي صدر ڪيٿلين ڪينڊي جمعي تي لنڊن ۾ ڪيو.
اسٽار وارز جي نئين فلم جو نالو اڃا تائين فائنل نھ ڪيو ويو آھي، شرمين عبيد چيو آھي تھ ھوءَ اسٽار وارز جي فلم جي ھدايتڪاري جي حوالي سان گھڻي پرجوش آھي .
