پاڪستان ڪرڪيٽ ٽيم جي اڳوڻي ڪپتان شعيب ملڪ، ثانيه مرزا کان عليحدگي واري افواهن تي نيٺ خاموشي ٽوڙي ڇڏي.
عيد جي اسپيشل پروگرام اسڪور ۾ ميزبان يحيٰ حسيني شعيب ملڪ کان سوال ڪيو ته ڇا ثانيه مرزا سان اوهان جا لاڳاپا سٺا ناهن، هو وڌيڪ گهرائي ۾ نٿو وڃڻ چاهي، اوهان عيد جي موقعي تي ڪهڙو جواب ڏيندا.
ان تي شعيب ملڪ جواب ڏيندي چيو ته عيد جي موقعي تي ثانيه گڏ هجي ها ته بهتر هو، پر هُن جون مصروفيتون آهن ان ڪري هو گڏ ناهي.
شعيب ملڪ چيو ته هميشه جيان ٻنهي جي محبت ۽ پيار موجود آهي.
ان موقعي تي شعيب ملڪ گهرواري لاءِ خاص پيغام ۾ چيو ته عيد جي موقعي تي هو ثانيه کي مبارڪون ڏئي ٿو، کيس ياد ڪيان ٿو، عيد جي ڏينهن ۾ پنهنجن ويجهي ماڻهن کي ياد ڪندا آهن.
سندس چوڻ هو ته پٽ اذهان سان ڏينهن ۾ ٻه ڀيرا وڊيو ڪال تي ڳالهه ٻولهه ٿيندي آهي.
شعيب ملڪ ۽ ثانيه مرزا جي شادي اپريل 2010 ۾ ٿي هئي.
گذريل سال نومبر کان شعيب ملڪ ۽ ثانيه مرزا جي الڳ ٿيڻ جون ڳالهيون سرگرم آهن.
