پاڪستاني اداڪار ۽ فلمساز شمعون عباسي ناليواري ماڊل ۽ اداڪارا سان شادي جو اعتراف ڪري ورتو.
سوشل ميڊيا تي جاري ڪيل بيان ۾ شمعون عباسي چيو تھ اھو ٻڌائيندي کيس فخر محسوس ٿي رھيو آھي تھ ھن ھڪ ڀيرو ٻيھر شادي ڪري ورتي آھي ڇو تھ ھميشھ کان ھو اھڙي گھرواري چاھي پيو جيڪا سندس زندگي ۾ سڪون آڻي ۽ اھو سڪون شيري شاھھ جي صورت ۾ ملي ويو آھي.
ھن وڌيڪ چيو تھ حقيقت ۾ شيري شاھھ سان شادي 4سال اڳ ٿي ھئي پر سوشل ميڊيا جي نفرت پکيڙڻ سبب خبر شيئر نھ ڪئي ھئي، ھاڻي اھا ڳالھھ سامھون آئي آھي تھ ھو انھن سمورن ماڻھن جو ٿورائتو آھي جن سندن شادي جي پوسٽ ڏٺي ۽ نيڪ خواھشن جو اظھار ڪيو.
واضح رھي تھ گذريل ڏينھن شيري شاھھ بھ پنھنجي فيس بڪ اڪائونٽ تان شمعون عباسي کي پنھنجو مڙس لکندي کيس سالگرھھ جون واڌايون ڏنيون ھيون.
شيري شاھھ جي اھا ٻئي شادي آھي جڏھن تھ شمعون عباسي جي اھا چوٿين شادي آھي .
شمعون عباسي ان کان اڳ اداڪارا ۽ ماڊل جويريا عباسي ۽ اداڪارا ۽ ماڊل عميمھ ملڪ سان شاديون ڪري چڪو ھو.
شمعون عباسي ۽ جويريا عباسي جي شادي 1997 کان 2009ع تائين ھلي جڏھن تھ عميمھ ملڪ ۽ شمعون عباسي 2010 کان 2012ع تائين زندگي جا لمحا گڏ گھاري سگھيا.
