شهدادپور ويجهو روڊ حادثي جي نتيجي ۾ عورتن ۽ ٻارن سميت 9 ڄڻا زخمي ٿي پيا آهن.
منڍ جمڙائو ڀرسان رڪشا ۽ بس ۾ ٽڪر ٿي پيو.
حادثي جي نتيجي ۾ ڀٽ شاھه گھمڻ لاءِ ڳوٺ حاجي يوسف ڏاھري جا رھواسي 9 ڄڻا زخمي ٿي پيا.
زخمين ۾ ممتاز مجيداڻو، مصطفيٰ، امداد، منصور، جبار، مسمات گل پري ۽ مسمات الله وسائي سميت ٻيا شامل آهن.
زخمين کي سمس اسپتال شھدادپور منتقل ڪيو ويو سندن علاج ڪيو پيو وڃي.
زخمي ممتاز مجيداڻي ٻڌايو ته هو رڪشا تي ڳوٺ کان شاھه عبداللطيف ڀٽائي جي درگاھه تي وڃي رهيا هئا ته تيز رفتار بس سان ٽڪر ٿيڻ سبب حادثو پيش آيو.
پوليس واقعي واري ھنڌ پھچي جاچ شروع ڪري ڇڏي آهي.
