پ پ ايم پي اي شهناز انصاري قتل ڪيس بابت ماڊل ڪورٽ فيصلي کي چئلينج ڪرڻ واري سندس ڌيءَ فاطمه انصاري جي درخواست تي جوابدار ڌر سنڌهاءِ ڪورٽ سکر بئنچ کان مهلت گهري ورتي.
شهناز انصاري ڪيس بابت فيصلو ٻڌائيندڙ ماڊل ڪورٽ نوشهرفيروز جي عدالت جي فيصلي کي چئلينج ڪرڻ واري درخواست جي ٻڌڻي ٿي.
درخواست ڏيندڙ فاطمه انصاري چيو ته ٽي سال اڳ قتل ٿي ويل، شهناز انصاري جي قتل ڪيس ۾ ماڊل ڪورٽ نوشهرفيروز جي عدالت هڪ جوابدار وقار کوکر کي عمر قيد جي سزا ٻڌائي آهي.
هن چيو ته قتل ڪيس ۾ ماڊل ڪورٽ ٽن جوابدارن اختر کوکر. صديق کوکر ۽ عورت سلمي کوکر کي باعزت بري ڪرڻ واري فيصلي کي رد ڪيو وڃي.
جيل حوالي ٿيل جوابدار طرفان عدالت کي وڪيل ڪرڻ لاءِ مهلت جي درخواست ڏني وئي.
ڪيس مان بري ٿيلن عدالت کان وڪيل ڪرڻ لاءِ مهلت گهري ورتي، جنهن بعد عدالت ٻڌڻي 17 آگسٽ تائين ملتوي ڪري ڇڏي.
