اطلاعات واري صوبائي وزير شرجيل انعام ميمڻ چيو آهي ته شهيد ذوالفقار علي ڀٽو جي 44 هين ورسي جي موقعي تي عدليه کان گذارش آهي ته قوم جي عظيم ليڊر کي انصاف فراهم ڪيو وڃي، پيپلز پارٽي عدالت جو هر فيصلو قبول ڪرڻ لاءِ تيار آهي.
شهيد ذوالفقار علي ڀٽو جي ورسي جي موقعي تي جاري ڪيل پيغام ۾ سڌ سماءُ واري صوبائي وزير شرجيل ميمڻ سوال ڪيو ته ڇا اها شهيد ذوالفقار علي ڀٽي جي غلطي هئي جو هن ايٽمي پروگرام جو بنياد رکيو؟.
هن چيو ته ڇا شهيد ڀٽو جي غلطي هئي ته هن ملڪ کي متفقه آئين ڏنو، ٻڌايو وڃي ته آخر ڪار عدليه آصف زرداري جي ريفرنس تي ٻڌڻي ڇو نه پئي ڪري؟.
شرجيل ميمڻ سوال ڪيو ته ڇا شهيد ڀٽو جي عدالتي قتل جو ريفرنس ٻڌڻ جوڳو نه آهي؟.
هن چيو ته ڇا شهيد ذوالفقار علي ڀٽي جو قصور اهو هو ته هن ڀارتي جيلن مان 93 هزار پاڪستان جنگي قيدين کي باعزت طريقي سان واپس آندو؟.
شرجيل ميمڻ چيو ته شهيد ذوالفقار علي ڀٽو جي 44 هين ورسي جي موقعي تي عدليه کان گذارش آهي ته قوم جي عظيم ليڊر کي انصاف فراهم ڪيو وڃي، پيپلز پارٽي عدالت جو هر فيصلو قبول ڪرڻ لاءِ تيار آهي.
