آمريڪا جي ناليواري ٽائم ميگزين پاڪستان جي ماحوليات واري وزير شيري رحمان کي سال 2023ع جي دنيا جي هڪ سئو بااثر ترين شخصيتن ۾ شامل ڪري ڇڏيو.
ٽائم ميگزين طرفان شيري رحمان کي آمريڪي صدر جوبائيڊن، جاپان جي وزيراعظم، جرمن چانسلر اولاف شولز ۽ برازيل جي صدر سان گڏ 2023ع جي سڀ کان وڌيڪ 20 بااثر اڳواڻن جي لسٽ ۾ شامل ڪيو ويو.
جرمني جي اسٽيٽ سيڪريٽري جينيفر مورگن، شيري رحمان کي هڪ اهڙي اڳواڻ قرار ڏنو آهي جنهن انهن ماڻهن جو آواز بلند ڪيو جن ٻوڏ ۾ پنهنجو سڀ ڪجهه وڄائي ڇڏيو هو.
ٽائم ميگزين ۾ جرمني جي اسٽيٽ سيڪريٽري جينيفر مورگن وڌيڪ لکيو آهي ته دنيا کي شيري رحمان جهڙن وڌيڪ ماڻهن جي ضرورت آهي.
شيري رحمان کي هن سال فوربز ميگزين ايشيا جي 50 ڪامياب عورتن جي لسٽ جڏهن ته گذريل سال فائنانشل ٽائيمز 2022ع جي 25 بااثر عورتن جي لسٽ ۾ شامل ڪيو هو.
