شڪارپور جي عدالت ادارن خلاف ڳالهائڻ جي ڪيس ۾ تحريڪ انصاف اڳواڻ علي امين گنڊا پور کي پنجن ڏينهن جي جوڊيشل رمانڊ تي سينٽرل جيل سکر منتقل ڪندي 26 اپريل تي ٻيهر عدالت ۾ پيش ڪرڻ جو حڪم ڏئي ڇڏيو آهي.
سول جج ساجد علي جي عدالت ۾ ادارن خلاف ڳالهائڻ جي ڪيس جي ٻڌڻي ٿي.
ٻڌڻي دوران پوليس تحريڪ انصاف اڳواڻ علي امين گنڊاپور کي عدالت ۾ پيش ڪيو.
پوليس علي امين گنڊاپور جي رمانڊ جي درخواست ڪئي.
علي امين جي وڪيل موقف اختيار ڪيو ته پوليس جيڪي قلم لڳايا آهن انهن تحت جاچ جي ضرورت ئي ناهي، سندس اصيل خلاف ڪوڙي ايف آءِ آر داخل ڪئي وئي آهي.
عدالت پوليس جي رمانڊ بابت درخواست رد ڪري ڇڏي.
عدالت تحريڪ انصاف اڳواڻ علي امين گنڊا پور کي پنجن ڏينهن جي جوڊيشل رمانڊ تي سينٽرل جيل سکر منتقل ڪندي 26 اپريل تي ٻيهر عدالت ۾ پيش ڪرڻ جو حڪم ڏئي ڇڏيو.
ڳوٺاڻي جي فرياد تي پي ٽي آءِ اڳواڻ علي امين گنڊاپور خلاف نيو فوجداري ٿاڻي تي ڪيس داخل ڪيو ويو هو.
