صحت بابت عالمي اداري (ڊبليو ايڇ او) ٽن سالن بعد ڪووڊ19 کي وبا لاءِ عالمي ايمرجنسي ختم ڪرڻ جو اعلان ڪري ڇڏيو.
ڊبليو ايڇ او جي ايمرجنسي ڪميٽي جو اجلاس 4مئي تي ٿيو جنھن ۾ عالمي ايمرجنسي ختم ڪرڻ جي سفارش ڪئي وئي، گذريل ڏينھن 5مئي تي عالمي اداري طرفان اھو اعلان ڪيو ويو.
ڊبليو ايڇ او جي ڊائريڪٽر جنرل ڊاڪٽر ٽيڊروس اڌانوم پريس ڪانفرنس ڪندي چيو تھ ھڪ سال کان وڌيڪ عرصي کان ڪووڊ جي وبا ۾ شدت سان گھٽتائي ڏسڻ ۾ اچي رھي ھئي.
ھن چيو تھ عالمي سطح تي ويڪسينيشن ۽ ڪوڊ سبب بيمار ٿيندڙ ماڻھن ۾ ان بيماري جي خلاف قوت مدافعت وڌي، موت جي شرح ۽ طبي نظام تي دٻاءُ گھٽ ٿيو.
عالمي اداري جي سربراھھ چيو تھ ھو اعلان ڪري ٿو تھ ڪووڊ 19جي وبا سبب ھاڻي عالمي ايمرجنسي نھ رھي آھي، ايمرجنسي ختم ٿيڻ جو اھو مطلب نھ آھي تھ ڪووڊ سان عالمي صحت کي خطرو ٿي ويو آھي، گذريل ھفتي اھا بيماري ھر ٽي منٽ جي ھڪ موت جو سبب بڻي، ھيءُ اھي فوتگيون آھن جن جو کين علم ٿيو.
واضح رھي تھ ڊبليو ايڇ او 30جنوري 2020ع تي عالمي ايمرجنسي قرار ڏنو ھو جنھن سبب ان جي حيثيت برقرار ھئي، ان وبا سبب لڳ ڀڳ 70لک ماڻھو اجل جو شڪار ۽ ڪروڙين ماڻھو ڪووڊ سبب متاثر ٿيا.
ڊبليو ايڇ او جي طرفان باضابطا اعلان ان بيماري جي حوالي سان اھم آھي ڇو تھ ھاڻي ٻيا ملڪ بھ ڪووڊ جي وبا جي حوالي سان پنھنجون پاليسيون نرم ڪري سگھن ٿا.
