صدر ۽ وزيراعظم سميت ملڪ جي اهم شخصيت مختلف شهرن ۾ عيدالفطر جي نماز ادا ڪئي آهي.
صدر ڊاڪٽر عارف علوي ۽ اعليٰ سرڪاري آفيسر سميت مختلف ملڪن جي سفيرن عيدالفطر جي نماز پڙهي.
وزيراعظم شهباز شريف پنهنجي ٻن پٽن حمزه شهباز ۽ سليمان شهباز سميت پارٽي اڳواڻن سان گڏ ماڊل ٽائون لاهور ۽ سينيٽ چيئرمين صادق سنجراڻي ڪوئيٽا ۾ عيد جي نماز ادا ڪئي.
اڳوڻي صدر آصف علي زرداري نوابشاهه، پ پ چيئرمين بلاول ڀٽو زرداري ۽ وڏي وزير مراد علي شاهه ڳڙهي خدا بخش ڀٽو، بچاءَ واري وزير خواجا آصف جامع مسجد خواجا صفدر ڪينٽ، وفاقي گهرو وزير راڻا ثناءُ الله فيصل آباد ۽ اڳوڻي وزيراعظم يوسف رضا گيلاني ملتان ۾ عيدالفطر جي نماز پڙهي.
تحريڪ انصاف جي چيئرمين عمران خان زمان پارڪ لاهور، جماعت اسلامي جي امير سراج الحق منصوره لاهور، اڳوڻي وفاقي گهرو وزير شيخ رشيد لياقت باغ ۽ گورنر ڪي پي ۽ نگران وڏي وزير گورنر هائوس ۾ عيد جي نماز ادا ڪئي.
گورنر سنڌ ڪامران ٽسوري، پولو گرائونڊ ڪراچي، حرن جي روحاني پيشوا پير پاڳاري پير جو ڳوٺ، پي ڊي ايم سربراهه مولانا فضل الرحمان، وفاقي وزير مولانا اسعد محمود، سينيٽر عطاءُ الرحمان ۽ ٻين ڊي آءِ خان ۾ عيدالفطر جي نماز پڙهي.
عيد الفطر جي نماز کانپوءِ ملڪ جي ترقي ۽ خوشحالي لاءِ خاص دعائون گھريون ويون.
