سنڌ جي گهرو وزير ضياءَ الحسن لنجار، سي پيڪ ۽ نان سي پيڪ سان واڳيل چيني شهرين جي سڪيورٽي هر سطح تي اثرائتي بڻائڻ جي هدايت ڪئي آهي.
صوبائي گهرو وزير ضياءَ الحسن لنجار جي صدارت هيٺ اعليٰ سطحي اجلاس ٿيو، جنهن ۾ آءِ جي سنڌ غلام نبي ميمڻ، ڊي آءِ جيز، سي ٽي ڊي، اسپيشل پرانج ۽ سي پيڪ / ايس يو پي سميت قانون لاڳو ڪندڙ ادارن جي نمائندن شرڪت ڪئي
اجلاس کي چيني شهرين، ماهرن ۽ ٻئي عملي کي مختلف پراجيڪٽن تي فراهم ڪيل سڪيورٽي بابت بريفنگ ڏني وئي.
ان موقعي تي ضياءَ الحسن لنجار چيو ته سي پيڪ ۽ نان سي پيڪ سان واڳيل چيني شهرين جي سڪيورٽي هر سطح تي اثرائتي بڻائي وڃي.
هن چيو ته سنڌ هلندڙ سي پيڪ ۽ نان سي پيڪ پراجيڪٽن تي سڪيورٽي بابت سمورن قدمن جو نئين سر جائزو ورتو وڃي.
ضياءَ الحسن لنجار چيو ته سنڌ ۾ پرڏيهين جي آمد ۽ سندن سڪيورٽي بابت اسپانسرز جي ذميوارين جو به جائزو ورتو وڃي…..
