ضياءُ الحسن لنجار ڊي آءِ جي سکر آفيس پهچي ڊويزن جي سمورن ضلعن سميت ڪچي ۾ امن امان جي صورتحال جو جائزو ورتو

صوبائي گهرو وزير ضياءُ الحسن لنجار ڊي آءِ جي سکر آفيس پهچي ڊويزن جي سمورن ضلعن سميت ڪچي ۾ امن امان جي صورتحال جو جائزو ورتو. ان موقعي تي صوبائي گهرو وزير ضياءُ لنجار جو چوڻ هو ته ڏوهن جي دنيا ڇڏيندڙ ڏوهارين جي حوصلا افزائي ۽ سپورٽ ڪئي وڃي، قانون جو ساٿ ڏيندڙ ۽ ڏوهن جي دنيا ڇڏيندڙ ڏوهارين جي خاندان جي سار سنڀال لڌي وڃي. ضياءَ لنجار جو چوڻ هو ته ڪنهن به بيگناهه شخص کي ڪيسن ۾ نامزد نه ڪيو وڃي. سندس چوڻ هو ته جان محمد مهر قتل ڪيس ۾ ملوث ۽ نامزد جوابدارن کي جلد گرفتار ڪيو وڃي. صوبائي گهرو وزير پريا ڪماري ڪيس جو تفصيلي جائزو وٺي وڌيڪ حڪم جاري ڪيا. ان موقعي تي گهرو وزير سان گڏ آءِ جي سنڌ غلام نبي ميمڻ، ڊي آءِ جي سکر ۽ لاڳاپيل ايس ايس پيز پڻ موجود هئا.