ڀارتي اداڪارا عاليا ڀٽ ھالي ووڊ فلم ۾ پنھنجي پرفارمنس بعد ميٽ گالا 2023 ۾ ڊيبيو ڏنو آھي ۽ ھر طرف سندس چرچا آھن.
نيويارڪ جي ميٽرو پوليٽن ميوزم آف آرٽ ۾ ھالي ووڊ جي ميٽ گالا 2023 جو رنگا رنگي ميلو سجايو ويو آھي.
تقريب لاءِ عاليا ڀٽ موتين سان سينگاريل اڇي رنگ جي ڊريس پھري شھزادي جيان ميٽ گالا 2023ع ۾ پنھنجو ڊيبيو ڏنو.
ميٽ گالا ۾ عاليا ڀٽ جا چرچا ٿي رھيا آھن ۽ اداڪارا جي غير ملڪي مداح ھڪ جھلڪ ڏسڻ لاءِ کيس سڏيندا نظر آيا.
سوشل ميڊيا تي بھ عاليا ڀٽ جي ميٽ گالا ڊيبيو تصوير ۽ وڊيوز وائرل ٿي رھيا آھن، صارفين جو چوڻ آھي تھ عاليا ڀٽ جي خوبصورتي انگريزن کي بھ پنھنجي سحر ۾ جڪڙي ڇڏيو آھي.
واضح رھي تھ عاليا ڀٽ فلم “ھارٽ آف اسٽون سان ھالي ووڊ ۾ ڊيبيو ڏنو آھي، فلم ھلندڙ سال آگسٽ ۾ سينيما گھرن جي زينت بڻجندي.
