سنڌ ٽي وي نيوز جي پروگرام ميرپورخاص بيورو ٽائيم ۾ منشيات بابت پروگرام بعد نئين مقرر ٿيل ايس ايس پي ٽنڊوالهيار منشيات تي ضابطو نه اچڻ سبب پنجن ٿاڻن جي ايس ايڇ اوز کي بدلي ڪري نوان ايس ايڇ اوز مقرر ڪري ڇڏيا آهن.
ايس ايس پي ٽنڊو الهيار، منشيات تي ضابطو نه آڻڻ تي عمر ساند، ڊاسوڙي، مشائخ، پيارو لنڊ ۽ نصرپور ٿاڻن جي ايس ايڇ اوز کي بدلي ڪري نوان ايس ايڇ اوز مقرر ڪري ڇڏيا.
ايس ايس پي جي ھدايت تي مقرر ٿيل نون ايس ايڇ اوز علائقن ۾ پوليس موبائل تي لائوڊ اسپيڪر ذريعي وارننگ ڏيندي چيو ته جنھن به ڪئبين يا دڪان تي منشيات وڪرو ڪئي وئي ان خلاف قانوني ڪاروائي ٿيندي.
عمر ساند، ڊاسوڙي، مشائخ، پيارولنڊ، مسڻ، سلطان آباد ۽ نصرپور پوليس ڪاروايون تيز ڪندي 30 کان وڌيڪ منشيات وڪرو ڪندڙن کي گرفتار ڪري 60 کان وڌيڪ ڪيس داخل ڪري ڇڏيا.
