تحريڪ انصاف اڳواڻ شاهه محمود قريشي ۽ فواد چوڌري چيو آهي ته عدالت آئين کي سامهون رکي فيصلو ڪري ته چونڊن جي اميد ڪري سگهجي ٿي، قوم عدالتي فيصلو قبول نه ڪندڙن جو گهيراءُ ڪندي، عدليه جيڪڏهن آئين جي حفاظت ڪري رهي آهي ته پاڻ کي اڪيلو نه سمجهي، حڪومت عام چونڊن کان ڀڄڻ جا بهانا ڳولي رهي آهي، عمران خان تي 100 کان وڌيڪ ڪيس داخل ڪيا ويا آهن، تحريڪ انصاف ڪيسن کان ڊڄڻ واري ناهي.
لاهور ۾ ميڊيا سان ڳالهائيندي شاهه محمود قريشي ۽ فواد چوڌري چيو ته عدالت آئين کي سامهون رکي فيصلو ڪري ته چونڊن جي اميد ڪري سگهجي ٿي.
سندن چوڻ هو ته قوم عدالتي فيصلو قبول نه ڪندڙن جو گهيراءُ ڪندي، عدليه جيڪڏهن آئين جي حفاظت ڪري رهي آهي ته پاڻ کي اڪيلو نه سمجهي.
تحريڪ انصاف اڳواڻ شاهه محمود قريشي ۽ فواد چوڌري چيو ته حڪومت عام چونڊن کان ڀڄڻ جا بهانا ڳولي رهي آهي، عمران خان تي 100 کان وڌيڪ ڪيس داخل ڪيا ويا آهن، تحريڪ انصاف ڪيسن کان ڊڄڻ واري ناهي.
هنن چيو ته پهريان تحريڪ انصاف حڪومت محلاتي سازشن سان ختم ڪئي وئي هاڻي عدليا کي تڪراري بڻايو پيو وڃي، پي ٽي آءِ آئين سان گڏ بيٺل آهي.
تحريڪ انصاف اڳواڻ شاهه محمود قريشي ۽ فواد چوڌري چيو ته هو چاهن ٿا ته آئين تي عمل ڪيو وڃي، آئين جي بالادستي لاءِ مختلف سياسي پارٽين سان رابطا ڪندا، عدليا آئين تي ڪوبه ٺاهه ڪرڻ لاءِ تيار ناهي، آئين ٽٽي ويو ته ملڪ ۾ ڪوبه نظام نه رهندو.
