پي ڊي ايم سربراهه مولانا فضل الرحمان چيو آهي ته عدالت پنهنجي پوزيشن واضح ڪري اها عدالت آهي يا پنچائت؟ نه عمران خان سان ڳالهيون ٿينديون، نه ئي عدالت ۾ پيش ٿيندا، جنهن شخص کي هيل تائين نااهل ٿيڻ گهرجي ها سپريم ڪورٽ ان کي سياست جو مرڪز بڻائي رهي آهي، ساڻس ڳالهيون پارليامينٽ جي توهين آهي، سپريم ڪورٽ کي لچڪ پيدا ڪري.
اسلام آباد ۾ پريس ڪانفرنس ڪندي پي ڊي ايم سربراهه مولانا فضل الرحمان چيو ته عدالت پنهنجي پوزيشن واضح ڪري اها عدالت آهي يا پنچائت.
هن چيو ته عدالت چئي رهي آهي ته عمران خان سان ڳالهيون ڪيون، جنهن شخص کي هيل تائين نااهل ٿيڻ گهرجي ها سپريم ڪورٽ ان کي سياست جو مرڪز بڻائي رهي آهي.
مولانا فضل الرحمان چيو ته اسيمبلي قانون پاس ڪري چڪي آهي، عدالت کي پارليامينٽ جي ايڪٽ جو احترام ۽ پيروي ڪرڻي پوندي.
پي ڊي ايم سربراهه چچيو ته اتحادين کي به چيو ته پارليامينٽ هن بئنچ تي بي اعتمادي ظاهر ڪري چڪي آهي، نه عمران خان سان ڳالهيون ٿينديون نه ئي عدالت ۾ پيش ٿينداسين.
هن چيو ته ڏاڍ جي بنياد تي فيصلا مڙهيا ويا ته هو به عوام جي عدالت ۾ ويندا.
مولانا فضل الرحمان چيو ته عمران خان ملڪي معيشت کي تباهه ڪيو، رپئي جي ملهه ۾ گهٽتائي هاڻي سندن اختيار ۾ ناهي رهي.
هڪ سوال جي جواب ۾ مولانا فضل الرحمان چيو ته مفتي عبدالشڪور جي شهادت حادثو آهي.
