لياري ڏوهاري ٽولي جو سربراهه عذير بلوچ وڌيڪ هڪ ڪيس مان بري ٿي ويو. ڪراچيءَ جي دهشتگردي ٽوڙ عدالت ۾ عذير بلوچ خلاف قتل ڪيس جي ٻڌڻي ٿي.
ٻڌڻي دوران وڪيل عابد زمان دليل ڏيندي چيو ته عذير بلوچ مٿان ڪوڙو الزام لڳايو ويو آهي, هن چيو ته ڪيس جي شاهدن جي بيانن ۾ فرق آهي.
عدالت عذير بلوچ ۽ ذاڪر عرف ڏاڏا کي عمران نالي شهري جي قتل ڪيس ۾ بري ڪري ڇڏيو, عدالت چيو ته پرسايڪيوشن جوابدارن خلاف الزام ثابت ڪرڻ ۾ ناڪام رهي آهي.
عذير بلوچ خلاف 2012 ۾ عمران نالي شهري جي قتل ڪيس داخل ڪيو ويو هو, هن وقت تائين عزير بلوچ 25 ڪيسن مان بري ٿي چڪو آهي، سندس خلاف 60 کان مٿي ڪيس داخل ٿيل آهن.
