وفاقي وزير احسن اقبال چيو آهي ته عمراني حڪومت پاڪستان ۾ معاشي بحران پيدا ڪيو، موجوده آئيني بحران به عمران حڪومت جو ڏنل تحفو آهي، عمران خان ايجنڊا تحت سوشل ميڊيا مهم ذريعي نوجوانن کي گمراهه ڪري رهيو آهي، تاثر ڏنو پيو وڃي ته ملڪ ۾ ترقياتي ڪم ناهن ٿيا، حقيقت ان جي ابتڙ آهي.
مسلم ليگ نون سعودي عرب پاران جده ۾ عيد ملن پارٽي ڪوٺائي پئي.
عيد ملن پارٽيءَ ۾ وفاقي وزير احسن اقبال، وزيراعظم جي صلاحڪار انجنيئر امير مقام ۽ ٻين شرڪت ڪئي.
ان موقعي تي عيد ملن پارٽي کي خطاب ڪندي وفاقي وزير احسن اقبال چيو ته معيشيت جو ٻيڙو ٻوڙي ملڪ سندن حوالي ڪيو ويو، معيشيت کي بهتر ڪرڻ ۾ سعودي حڪومت ڀرپور مدد ڪري رهي آهي.
سندس چوڻ هو ته سمنڊ پار پاڪستانين پاران اماڻيل ناڻي جا ذخيرا ملڪي معيشيت لاءِ آڪسيجن جي برابر آهن.
وفاقي وزير احسن اقبال چيو آهي ته عمراني حڪومت پاڪستان ۾ معاشي بحران پيدا ڪيو، موجوده آئيني بحران به عمران حڪومت جو ڏنل تحفو آهي، عمران خان ايجنڊا تحت سوشل ميڊيا مهم ذريعي نوجوانن کي گمراهه ڪري رهيو آهي.
هن چيو ته تاثر ڏنو پيو وڃي ته ملڪ ۾ ترقياتي ڪم ناهن ٿيا، حقيقت ان جي ابتڙ آهي.
وفاقي وزير احسن اقبال چيو ته مسلم ليگ نون جي دور ۾ سي پيڪ، بجلي ۽ انفرا اسٽرڪچر جي ڪيترن کي منصوبن تي ڪم ٿيو.
وزيراعظم جي صلاحڪار انجنيئر امير مقام چيو ته ن ليگ ڪي پي صوبي ۾ ڪيترن ئي ميگا پراجيڪٽ تي ڪم ڪيو، احسن اقبال جي نگرانيءَ ۾ سي پيڪ کي مڪمل ڪرڻ جو ڪم جاري آهي.
