پي ٽي آءِ چيئرمين عمران خان، پي ڊي ايم حڪومت کان اين آر او گهرندي جماعت اسلامي معرفت ڳالهين لاءِ شرط رکي ڇڏيا، جيڪي حڪومت رد ڪري ڇڏيا آهن.
حڪومتي ذريعن موجب تحريڪ انصاف حڪومت سان ڳالهين جي آڙ ۾ اين آر او گهري ورتو آهي.
پي ٽي آءِ قومي اسيمبليءَ ۾ مخالف ڌر جي اڳواڻ جو عهدو ۽ عمران خان خلاف سمورا ڪيس ختم ڪرڻ جا شرط رکيا آهن.
ذريعن موجب ڳالهين لاءِ شرطن ۾ چيو ويو ته حڪومت مخالف ڌر جي اڳواڻ جو عهدو پي ٽي آءِ کي ڏي، سمورن اسيمبلي ميمبرن جون استعيفائون رد ڪيون وڃن ۽ گرفتار اڳواڻن توڙي ڪارڪنن خلاف ڪيس واپس ورتا وڃن.
ذريعن موجب تحريڪ انصاف اهي مطالبا جماعت اسلامي جي وفد سان ملاقات دوران پيش ڪيا.
هوڏانهن حڪومت ڳالهين کان اڳ ڪو به مطالبو تسليم نه ڪرڻ جو فيصلو ڪيو آهي.
حڪومتي ذريعن موجب جيڪا به ڳالهه ٻولهه ٿيندي اها ڳالهين جي ميز تي ٿيندي، اڳواٽ شرطن تي ڳالهين جو ڪو به فائدو ناهي.
