تحريڪ انصاف جي اڳواڻن چيو آهي ته عمران خان تائين پهچ ڏني وڃي، هو عمران خان سان ملاقات ڪري ايندڙ حڪمت عملي جوڙڻ چاهن ٿا، ملڪ ۾ بي يقيني واري صورتحال آهي، حڪمرانن ملڪ کي آئيني بحران طرف ڌڪي ڇڏيو آهي، ملڪ معاشي بحران جو شڪار آهي ۽ سيڙپڪاري بند ٿي چڪي آهي.
پي ٽي آءِ اڳواڻ اسد عمر سان گڏ ميڊيا سان ڳالهائيندي شاهه محمود قريشي الزام لڳائيندي چيو ته گذريل ڏينهن عمران خان جي مٿي ۾ ڌڪ لڳو، سندس زخمي ڄنگهه تي ڏنڊا هنيا ويا.
سندس چوڻ هو ته هو پوليس لائن هيڊڪوارٽر اسلام آباد ۾ موجود آهن، عمران خان تائين پهچ ڏني وڃي.
پي ٽي آءِ جي سينيئر وائيس چيئرمين شاهه محمود قريشي چيو ته هو عمران خان سان ملاقات ڪري ايندڙ حڪمت عملي جوڙڻ چاهن ٿا، ملڪ ۾ بي يقيني واري صورتحال آهي، حڪمرانن ملڪ کي آئيني بحران طرف ڌڪي ڇڏيو آهي.
هن چيو ته پارليامينٽ ۽ عدليا کي ويڙهائڻ جي ڪوشش ڪئي پئي وڃي، ملڪ معاشي بحران جو شڪار آهي ۽ سيڙپڪاري بند ٿي چڪي آهي.
پي ٽي آءِ جي سينيئر وائيس چيئرمين شاهه محمود قريشي چيو ته هو اڄ سينٽرل آفيس ۾ گڏجاڻي جي صدارت ڪندو، معاملن کي دانشمندي سان اڳتي کڻي هلڻو آهي، هو ڪوشش ڪندو ته عمران خان سان ملاقات ٿي وڃي.
پي ٽي آءِ اڳواڻ اسد عمر چيو ته عمران خان جي گرفتاري قانون موجب ناهي ڪئي وئي، پارٽي جي ليڊرشپ شاهه محمود قريشي وٽ آهي.
سماجي رابطن واري ويب سائيٽ ٽوئيٽر تي جاري ڪيل ٽوئٽ ۾ پي ٽي آءِ اڳواڻ فواد چوڌري چيو ته اڃا تائين عمران خان جي صحت ۽ خير خيريت بابت قوم کي آگاهه ناهي ڪيو ويو، راتون رات پوليس گيسٽ هائوس کي عدالت ڊڪليئر ڪيو ويو آهي، فوري طور عمران خان تائين پهچ ڏني وڃي.
