پيپلز پارٽي جي سيڪريٽري جنرل نيئر بخاري چيو آهي ته آئيني ۽ قومي معاملن جو جٽادار حل، عوامي اميدن جو مرڪز پارليامينٽ آهي، پيپلز پارٽي جمهوري نظام جي تسلسل ۽ قومي مفاد ۾ هميشه سياسي مخالفن سان به ڳالهيون ڪيون آهن.
جاري ڪيل بيان ۾ نيئر بخاري چيو ته عمران خان تي مهربانن ۽ مالڪن جو خاص چاٻي وارو رانديڪو خراب ٿي چڪو آهي.
سندس چوڻ هو ته پاڪ فوج ۽ سپريم ڪورٽ جي نالي تي سياسي دڪانداري جو خاتمو ويجهو آهي.
پيپلز پارٽي جي سيڪريٽري جنرل نيئر بخاري چيو ته آئين ۽ قانون کان مٿانهون ڏوهه ڪندڙن کي عدالتن مان من پسند انصاف جي اميدن تي پاڻي ڦرندو.
هن چيو ته مخالف وقت جي ڪٽهڙي ۾ ڏوهاري ۽ آصف علي زرداري سوڀارو بڻجي بيٺل آهي.
پيپلز پارٽي جي سيڪريٽري جنرل نيئر بخاري چيو ته پ پ چيئرمين بلاول ڀٽو زرداري عالمي سطح تي پاڪستان جو جمهوري سفير ۽ پارليامينٽ اندر جمهوريت جو طاقتور آواز آهي.
