سڌ سماءَ واري وفاقي وزير مريم اورنگزيب چيو آهي ته عمران خان جي پير نه دماغ تي دٻاءُ آهي، فارين ايجنٽ حالتن تحت اسڪرپٽ ۽ روپ ٺاهي وٺي ٿو، گرفتاري جي خوف کان کٽ هيٺان ۽ ضمانت رد ٿيڻ تي ويل چيئر جو ڊرامو، ويل چيئر تي ويهي الزام هڻڻ بدران عدالت وڃي زندگي کي خطري بابت ثبوت پيش ڪرڻ گهرجن.
جاري ڪيل بيان ۾ مريم اورنگزيب، عمران خان کي چئلينج ڪندي چيو ته عدالت وڃي جنهن جنهن کان خطرو آهي ثبوت پيش ڪريو ٻي صورت ۾ پنهنجو منهن بند ڪريو.
سندس چوڻ هو ته فارين ايجنٽ حالتن تحت اسڪرپٽ ۽ روپ ٺاهي وٺي ٿو، گرفتاري جي خوف کان کٽ هيٺان ۽ ضمانت رد ٿيڻ تي ويل چيئر جو ڊرامو آهي.
سڌ سماءَ واري وفاقي وزير مريم اورنگزيب چيو ته فارن ايجنٽ جي پير نه دماغ تي سازشي دٻاءُ آهي، ويل چيئر تي ويهي الزام هڻڻ بدران عدالت وڃي زندگي کي خطري بابت ثبوت پيش ڪرڻ گهرجن.
هن چيو ته اوهان کي خطرو هاڻي رڳو فارن فنڊنگ، توشاخانه ۽ ٽيريان ڪيس مان آهي، ان لاءِ گولي، پسلتر، دٻو، ويل چيئر ۽ چونڊون بهانو آهي.
سندس چوڻ هو ته عدالت گهرائي ته گولي، پلستر، معذوري، دٻو ۽ هاڻي ويل چيئر، پهريان پنهنجي حڪومت جو ڍير آمريڪا تي وڌو، سائفر جي گندي راند کيڏي پوءِ آمريڪا کان معافي ورتي.
سڌ سماءَ واري وفاقي وزير مريم اورنگزيب چيو ته آمريڪا کان معافي بعد هاڻي جنرل باجود پوءِ آصف علي زرداري ۽ محسن نقوي تي ڍير وجهڻ چاهي ٿو، چئن ورهين جي ناڪامين ۽ اسيمبلي ٽوڙڻ جو ڍير جنرل باوجود تي وڌو.
