پي ٽي آءِ چيئرمين عمران خان جي گرفتاريءَ بعد امن امان جي صورتحال برقرار رکڻ لاءِ پنجاب ۽ بلوچستان ۾ قلم 144 لاڳو ڪري ڇڏيو آهي.
پنجاب جي گهرو کاتي جو چوڻ آهي ته صوبي ۾ قلم 144 لڳائڻ جو بنيادي مقصد صوبي ۾ امن امان برقرار رکڻ آهي.
گهرو کاتي موجب قلم 144 تحت صوبي ۾ جلسن ۽ جلوسن تي مڪمل طور پابندي لاڳو ڪئي وئي آهي.
پنجاب حڪومت صوبي ۾ رينجرز جي واڌو نفري لاءِ وفاقي سرڪار کي خط به لکي ڇڏيو آهي.
قلم 144 تحت جلسن، جلوسن، ڌرڻن ۽ ريلين تي پابندي ٻن ڏينهن لاءِ هوندي.
پنجاب جي نگران وڏي وزير موجب عوام جي جان ۽ مال جو تحفظ هر صورت يقيني بڻايو ويندو.
بلوچستان ۾ به امن امان جي صورتحال برقرار رکڻ لاءِ صوبي ۾ قلم 144 لاڳو ڪيو ويو آهي.
