تحريڪ انصاف چيئرمين عمران خان جي گرفتاريءَ تي وڳوڙن کانپوءِ حالتون معمول تي اچڻ شروع ٿي ويون آهن.
اسلام آباد، ڪراچي، پشاور، لاهور ۽ ڪوئيٽا سميت مختلف شهرن ۾ مک روڊن تي ٽريفڪ روان دوان آهي.
تحريڪ انصاف جي سينيئر وائيس چيئرمين شاهه محمود قريشي، سيڪريٽري جنرل اسد عمر ۽ ٻيا اڳواڻ توڙي ڪارڪن اڊيالا جيل منتقل ڪيا ويا.
جمشيد اقبال چيمه، فلڪ ناز چترالي، مليڪه بخاري ۽ ٻين کي به اڊيالا جيل موڪليو ويو آهي.
اسلام آباد پوليس جي ترجمان جو چوڻ آهي ته رٿابندي تحت ڀڃ ڊاهه ۽ پرتشدد مظاهرن تي ڀڙڪائيندڙن خلاف امن کي خطري تحت گرفتاريون ڪيون ويون آهن.
اسلام آباد پوليس جي ترجمان موجب، شاهه محمود قريشي، اسد عمر، فواد چوڌري، جمشيد اقبال چيمه، فلڪ ناز چترالي، مليڪه بخاري ۽ ٻين کي گرفتار ڪيو ويو آهي.
اسلام آباد پوليس جي ترجمان چيو ته سموريون گرفتاريون قانوني گهرجون مڪمل ڪرڻ بعد ڪيون ويون آهن، ڪنهن به قسم جو غير قانوني ڪم ڪندڙن خلاف ڪارروائي ڪئي ويندي.
