امريڪي ڪانگريس جي ميمبر بريڊ شرمين چيو آهي ته پاڪستان جي اڳوڻي وزيراعظم ۽ پي ٽي آءِ جي چيئرمين عمران خان خاطري ڪرائي آهي ته هو امريڪا جي خلاف نه آهي.
بريڊ شرمين ۽ زلمي خليل زاد ان خيال کي رد ڪري ڇڏيو آهي ته هو عمران خان اقتدار ۾ ٻيهر اچڻ لاءِ مهم جي حمايت ڪري رهيا آهن.
بريڊ شرمين جو چوڻ هو ته عمران خان سان ٽيلي فونڪ رابطو ٿيو ۽ هن پاڪستان ۾ انساني حقن جي ڀڃڪڙين تي خدشن جو اظهار ڪيو.
وائيس آف امريڪا کي انٽرويو ڏيندي بريڊ شرمين چيو ته عمران خان کيس ٻڌايو ته هو قانون جي حڪمراني تي يقين رکي ٿو ۽ امريڪا سان سٺا لاڳاپا چاهي ٿو.
واضح رهي ته گذريل هفتي بريڊ شرمين امريڪي پرڏيهي وزير انٽوني بلنڪن کي خط لکيو هو جنهن ۾ هن سمورا سفارتي ذريعا استعمال ڪندي پاڪستاني اختيارين تي زور ڏيڻ جو مطالبو ڪيو هو ته انساني حقن جي ڀڃڪڙين جي جاچ ڪرائي وڃي ۽ ذميوارن کي انصاف جي ڪٽهڙي ۾ آندو وڃي.
