سڌ سماءَ واري وفاقي وزير مريم اورنگزيب چيو آهي ته عمران خان پهريون پارٽي سربراهه آهي، جنهن جي بيان جي ترديد سندس پنهنجي پارٽي ڪري رهي آهي، هاڻي اليڪشن جنرل رٽائرڊ باجوه يا ٻئي ڪنهن جي چوڻ تي نه پر پنهنجي وقت تي ٿيندي.
جاري ڪيل بيان ۾ مريم اورنگزيب چيو ته عوام جي ذهنن سان نه کيڏو ۽ قوم سان ڪوڙ نه ڳالهايو، ان ڪري ئي هو ڪارو ڊٻو منهن تي لڳائي گهمي ٿو، عمران خان ڏوهاري آهي ۽ ڏوهاري ئي رهندو.
هن چيو ته عمران خان سماج، اخلاق، سياست ۽ معيشت کي تباهه ڪيو، ذهنن ۾ زهر ملائي خراب ڪيا، دليلن ۾ نفرت ڀري ۽ ملڪ کي مفلوج ڪيو.
مريم اورنگزيب چيو ته عمران خان جنرل باجوه جي چوڻ تي اسيمبليون ڇو ٽوڙيون، اقتدار لاءِ پنجاب ۽ ڪي پي جي عوام جي توهين ڪئي.
سڌ سماءَ واري وفاقي وزير چيو ته آئين سان مذاق ڪندڙن کي قوم معاف نه ڪندي ۽ هو به نه ڇڏيندا، هاڻي اليڪشن جنرل رٽائرڊ باجوه يا ٻئي ڪنهن جي چوڻ تي نه پر پنهنجي وقت تي ٿيندي.
