عمران خان ملڪ ۾ چونڊو نه پر ڏڦيڙ چاهي ٿو: امتياز شيخ

توانائي واري صوبائي وزير امتياز شيخ چيو آهي ته عمران خان ملڪ ۾ چونڊو نه پر ڏڦيڙ چاهي ٿو، جن ماڻهن کي اها ڳالهه سمجهه ۾نه پئي اچي اهي به جلد سمجهي ويندا.

جاري ڪيل بيان ۾ صوبائي وزير امتياز شيخ چيو ته  عمران خان رياستي ادارن مٿان عوام جي اعتماد جو خاتمو ڪري پنهنجا مقصد پورا ڪرڻ چاهي ٿو، ملڪي سلامتي ۽ استحڪام کي ڪنهن شخص جي خواهشن تي قربان نٿو ڪري سگهجي.

هن چيو ته پيپلزپارٽِي هميشه آئين ۽ قانون جو احترام ڪيو آهي، آصف زرداري ۽ بلاول ڀٽو جي قيادت ۾ ملڪ کي عمران خان جي فتني کان بچائينداسين.