وفاقي گهرو وزير راڻا ثناءُالله چيو آهي ته عمران خان کي القادر ٽرسٽ ڪيس ۾ گرفتار ڪيو ويو آهي، گرفتاري دوران قانوني گهرجون پوريون ڪيون ويون آهن.
اسلام آباد ۾ پريس ڪانفرنس ڪندي راڻا ثناءَالله چيو ته بني گالا جي ملڪيت القادر ٽرسٽ نالي رجسٽرڊ آهي.
هن چيو ته عمران خان پنهنجي ڪرپشن لڪائڻ لاءِ القادر ٽرسٽ ٺاهي.
سندس چوڻ هو ته عمران خان کي ڪيسن جي جاچ ۾ شامل ٿيڻ گهرجي ها.
وفاقي گهرو وزير چيو ته عمران جي گرفتاري دوران قانوني گهرجون پوريون ڪيون آهن.
هن چيو ته القادر ٽرسٽ جي نالي سان قومي ناڻي کي نقصان پهچايو ويو.
