غزه ۾ 33 ڏينهن کان جاري اسرائيلي جي وحشياڻين ڪاررواين بعد ٽن ڏينهن جي جنگ بندي جو امڪان آهي.
قطر حماس اسرائيل وچ ۾ جنگبندي لاءِ ٽياڪڙي جون ڪوششون ڪري رهي آهي.
اسرائيلي ميڊيا موجب 10 کان 15 يرغمالين جي آزادي جي بدلي 3 ڏينهن سيز فائر جي لاءِ ڳالهيون ٿي رهيون آهن.
يرغمالين ۾ 6 آمريڪي شهري به شامل آهن.
حماس ذريعن جو چوڻ آهي ته ٽي روزا جنگ بندي جو مقصد غزه ۾ امداد پهچائڻ آهي.
ياد رهي ته اسرائيلي فوج جي غزا تي جاري 33 هين ڏينهن تائين شهيد فلسطينين جو انگ 10 هزار 569 ٿي چڪو آهي.
