غوثپور ڀرسان مغوي پوليس اهلڪار کي راڄوڻي ڪوششن بعد بازياب ڪرايو ويو.
ذريعن موجب جنگڻ ٿاڻي جي حد ليسوڙي چيڪ پوسٽ تي ڪاھ ڪري اغاو ڪيل غوثپور واسي اهلڪار ممتاز لغاري کي پوليس راڄوڻي ڪوششن بعد بازياب ڪرائي ورتو.
ذريعن موجب دراني مهر جي ڪچي واري علائقي ۾ دهشت جي علامت بڻيل ڏوهارين ڏانهن پوليس پارٽي پنهنجا ماڻهو موڪلي راڄوڻي ڪوششن بعد مغوي اهلڪار ممتاز لغاري کي بازياب ڪرائي دراني مهر ٿاڻي تي منتقل ڪيو آهي.
ذريعن وٽان معلوم ٿيو آهي ته 4 اهلڪارن کان ڦر ڪيل سرڪاري هٿيار پوليس کي هن وقت تائين نه ملي سگهيا آهن، جن جي واپسي لاءِ پڻ راڄوڻي طريقي سان ڪوششون جاري آھن.
هوڏانهن پوليس اغوا ٿيل پنجن مغوين کي بازياب نه ڪرائي سگهي آهي، جنهن ڪري سندن وارث پريشانين کي منهن ڏئي رهيا آهن.
اغوا ٿيل لاڙڪاڻي واسي انور ڪوري، ڳوٺ جمال واسي سردار نندواڻي، غوثپور واسي منظور سولنگي ۽ روهڙي واسي پيربخش شيخ جي گهرن ۾ روڄ راڙو متل آهي.
مغوين جي وارثن سنڌ حڪومت ۽ آءِ جي سنڌ کي اپيل ڪندي چيو ته مغوين کي بازياب ڪرايو وڃي.
