فرانس جي شهر مارسيلي ۾ ڌماڪي بعد ٻه رهائشي عمارتون ڪرڻ جي نتيجي ۾ 5ڄڻا زخمي ٿي پيا، جڏهن ته 8ڄڻا ملبي هيٺان دٻجي ويا.
رپورٽس ۾ ٻڌايو ويو آهي ته ڌماڪي سان ٽئين عمارت جو ڪجهه حصو ڪري پيو، جڏهن ته علائقي جي 30کان وڌيڪ عمارتن کي خالي ڪرايو ويو آهي.
ڌماڪي بعد عمارتن کي باهه لڳي وئي جنهن تي ضابطو آندو ويو.
فرانسيسي اختيارين جو چوڻ آهي ته ڌماڪي جو ڪارڻ اڃا تائين معلوم نه ٿيو آهي، جڏهن ته پوليس طرفان جاچ جاري آهي.