پاڪستان تحريڪ انصاف جي اڳواڻ فواد چوڌري جي گرفتاري بابت سندس جي گهرواري جو چوڻ آهي ته اها گرفتاري نه پر اغوا ڪرڻ آهي.
لاهور ۾ ميڊيا سان ڳالهائيندي فواد چوڌري جي گهرواري حبا فواد چيو ته اسان ان کي گرفتاري نه پر اغوا سمجهون ٿا، 8 کان 10 پوليس وارن گيٽ کولي اسان جي گهر ۾ گهڙي آيا ۽ بغير ڪنهن ايف آئي آر ڏيکارڻ جي فواد چوڌري کي پڪڙي وٺي ويا.
هن چيو ته منهنجي امپورٽڊ حڪومت کان درخواست آهي ته اسان کي ٻڌايو وڃي ته فواد چوڌري کي ڪهڙي رول جي تحت کنيو ويو آهي، اسان سان ڪنهن به رابطو ناهي ڪيو.
حبا فواد جو چوڻ هو ته هي ته سڌو سنئون اغوا آهي، اسين هاڻي پنهنجي گهر ۾ به محفوظ ناهيون، هي ڪهڙي قسم جو ملڪ ۽ قانون آهي.
هن وڌيڪ چيو ته منهنجي چيف جسٽس ۽ وزيراعظم پاڪستان کان اها ئي درخواست آهي ته ٻڌايو وڃي ته فواد چوڌري کي ڪٿي کڻي ويا آهن؟
