فيفا، پاڪستان فٽبال فيڊريشن (پي ايف ايف) جي معطلي ختم ڪري ڇڏي

فيفا، پاڪستان فٽبال فيڊريشن (پي ايف ايف) جي معطلي ختم ڪري ڇڏي. ذريعن جو چوڻ آهي ته فيفا پاڪستان فٽبال فيڊريشن کي فيصلي کان آگاهه ڪري ڇڏيو آهي. ذريعن موجب، فيفا پي ايف ايف ڪانگريس طرفان آئيني ترميم منظور ٿيڻ کانپوءِ پاڪستان جي معطلي ختم ڪئي. ذريعن موجب، فيفا گذريل مهيني پاڪستان فٽبال فيڊريشن کي معطل ڪري ڇڏيو هو. ٻئي پاسي پي ايف ايف نارملائزيشن ڪميٽي ميمبر شاهد کوکر معطلي ختم ٿيڻ جي تصديق ڪئي آهي. هن ٻڌايو ته پي ايف ايف ڪانگريس جي اجلاس ۾ آئيني ترميم جي منظوري کانپوءِ معطلي ختم ٿي آهي. شاهد کوکر جو وڌيڪ چوڻ آهي ته پاڪستان فٽبال فيڊريشن جي لاڳيتي سپورٽ تي فيفا ۽ اي ايف سي جا ٿورائتا آهن.