فيڊرل ايڪسائيز ڊيوٽي جي شرح ۾ اضافي سبب سگريٽ جو وڪرو گهٽجي ويو.
ڊائريڪٽر فنانس فلپ مورس پاڪستان لميٽيڊ محمد ذيشان موجب موجوده معاشي حالتن ۾ غيرقانوني واپار سان معيشيت کي پهچندڙ نقصان جي روڪٿام ضروري بڻجي چڪي آهي.
هن چيو ته حڪومت ٽيڪس ادا ڪندڙ منظم صنعت کي سازگار ماحول فراهم ڪري معاشي بحران مان نڪرڻ واري ڪوششن کي نتيجو ڏيندڙ بڻائي سگهي ٿي.
سندس چوڻ هو ته هلندڙ مالي سال ٽي ڀيرا فيڊرل ايڪسائز ڊيوٽي ۾ اضافو ڪيو ويو، جون ۽ آگسٽ کي ملائي 25 سيڪڙو، جڏهن ته فيبروري ۾ 125 سيڪڙو اضافو ٿيو، اهڙي اضافي سان سگريٽ تي ايڪسائيز ڊيوٽي ٻه سئو سيڪڙو تائين وڌي وئي آهي.
محمد ذيشان موجب پهرين ٽه ماهي انگ اکرن مان ٿابت ٿئي ٿو ته سگريٽ جي قانوني وڪري ۾ 50 سيڪڙو گهٽتائي ٿي آهي.
آل پاڪستان مرڪزي يونين پان سگريٽ شربت ريٽيلرز طرفان وزيراعظم کي هنگامي بنيادن تي موڪليل خط ۾ قانوني سگريٽ تي ٽيڪس ۾ اضافي سان پان سگريٽ ريٽيلرز تي پوندڙ ناڪاري اثر کان آگاهه ڪيو ويو.
