قبائلي ضلعي خيبر ۾ سڪيورٽي فورسز جي گاڏي بارودي سرنگهه سان ٽڪرائجڻ سبب 2 جوان شهيد ٿي ويا.
ڊي جي آءِ ايس پي آر طرفان جاري ڪيل بيان ۾ چيو ويو ته خيبر ضلعي جي علائقي باڙا ۾ سڪيورٽي فورسز جي گاڏيءَ آڏو بارودي سرنگهه جو ڌماڪو ٿي پيو.
ترجمان موجب ڌماڪي سبب پاڪ فوج جا 2 جوان شهيد ٿي ويا.
پاڪ فوج جي ترجمان چيو ته شهيدن ۾ فرنٽيئر ڪور جو 37 ورهين جو نائب صوبيدار حضرت گل ۽ 34 ورهين جو سپاهي نظير الله شامل آهن.
شهيد نائب صوبيدار حضرت گل سوڳوارن ۾ بيواه، ٻه پٽ ۽ ٻه نياڻيون ڇڏيون آهن، سپاهي نذير الله محسود به هڪ بيواهه، 2 پٽ ۽ 2 نياڻيون سڳوار ڇڏيا آهن.
آءِ ايس پي آر موجب شهيدن جون قربانيون قرض آهن، جن کي گڏجي دهشتگردن جي خاتمي جي صورت ۾ ادا ڪيو ويندو.
