بالي ووڊ دبنگ اسٽار سلمان خان انڪشاف ڪيو آهي ته قتل جي ڌمڪين جيئڻ جنجال ڪري ڇڏيو آهي.
سلمان خان کي لارنس بشنوئي گينگ جي طرفان ڪيترائي ڀيرا قتل ڪرڻ جون ڌمڪيون ڏنيون ويون آهن، جڏهن ته ممبئي پوليس طرفان کيس سڪيورٽي ڏني وئي آهي.
هڪ تازي انٽرويو ۾ اداڪار سلمان خان چيو ته کيس پاڻ کي به ڌمڪين کان ڊپ لڳندو آهي، هاڻي سندس لاءِ اها ڳالهه ناممڪن ٿي وئي آهي ته هو موٽرسائيڪل هلائي يا اڪيلو سفر ڪري.
سلمان خان چيو ته جڏهن هو ٽريفڪ ۾ هوندو آهي ته سندس سڪيورٽي جو مسئلو هوندو آهي، سڪيورٽي جون گاڏيون ٻين لاءِ مسئلا پيدا ڪنديون آحن ۽ ماڻهو عجيب طريقي سان کيس ڏسندا آهن.
هن چيو ته سڪيورٽي جي حوالي سان کيس جيڪو ڪجهه ٻڌايو ويندو آهي هو ان تي عمل ڪندو آهي ۽ ان ۾ گهڻو احتياط پڻ ڪندو آهي هر جاءِ تي هو مڪمل سڪيورٽي سان گڏ ويندو آهي.
سلمان خان اهو چيو ته سندس ويجهو ايتريون بندوقون آهن جو هو پاڻ به ڊپ محسوس ڪندو آهي، سڪيورٽي تحفظ لاءِ بهتر آهي.
