قطر ۽ بحرين طرفان باضابطه طور سفارتي لاڳاپا بحال ڪرڻ جو فيصلو ڪيو ويو آهي.
پرڏيهي ميڊيا موجب گذريل ڏينهن قطر ۽ بحرين جي وچ ۾ سفارتي لاڳاپن کي بحال ڪرڻ جو فيصلو ڪيو ويو جنهن جي تصديق قطر جي پرڏيهي وزارت ڪئي.
ميڊيا رپورٽس موجب سعودي عرب، يو اي اي، بحرين ۽ مصر جنوري 2021 ۾ قطر تي لڳايل ٽن سالن جي پابندي ختم ڪري ڇڏي هئي پر بحرين کانسواءِ ٻين ملڪن قطر سان 2021ع ۾ سفري ۽ واپاري رابطا بحال ڪري ڇڏيا هئا.
ان کان اڳ هلندڙ سال جي شروعات ۾ بحرين جي ولي عهد قطر جي امير سان ٽيلي فون تي ڳالهه ٻولهه ڪئي هئي، جيڪا ٻنهي نار جي رياستن وچ ۾ لاڳاپن جي بحالي جو اشارو هو.
واضح رهي ته قطر جي پاڙيسري ملڪن 2017ع ۾ دوحا کان پنهنجا لاڳاپا ڪٽي ڇڏيا هئا.
