قمبر ويجهو هٿياربندن جي ڪار تي فائرنگ ۾ ماءُ ۽ ڌي موقعي تي ئي مارجي ويو آهن، جڏهن ته هڪ عورت زخمي ٿي پئي، پوليس لاش ۽ زخمي کي اسپتال منتقل ڪري ڇڏيو آهي.
باءِ پاس وٽ موٽرسائيڪل تي سوار ٽن اڻڄاتل هٿيار بندن جي فائرنگ ۾ گوليون لڳڻ سبب ڪار ۾ سوار مسمات ساجده بوهڙ ۽ سندس ڌيءُ عقيلا بوهڙ قتل ٿي ويو ۽ انيلا بوهڙ زخمي ٿي پئي.
اطلاع تي پوليس واقعي واري هنڌ پهچي لاش ۽ زخمي کي کڻائي اسپتال منتقل ڪيو، جتان پوسٽ مارٽم ڪرائڻ بعد مڙهه وارثن حوالي ڪيا ويا.
مقتولا جي پٽ جو چوڻ آهي ته عدالت مان حاضري کائي واپس اچي رهيا هئاسين ته باءِ پاس وٽ چاچن احمد علي بوهڙ، رحمت علي، ميرل ۽ٻين اسان جي گاڏي تي فائرنگ ڪري ڏني، گوليون لڳڻ سبب والده ۽ ڀيڻ قتل ٿي ويو ۽ هڪ ڀيڻ زخمي ٿي پئي.
پوليس جو چوڻ آهي ته واقعو سڱاوتي تڪرار جو نتيجو آهي، جوابدارن جي کي جلد گرفتار ڪيو ويندو.
